எனப்படுவது யாதெனில்-II
😍 இப்போதைக்கு கொஞ்சம் புன்னகைகள் கடன் கொடு; காதலை பிறகு பார்க்கலாம் 😍 நீயும் நானும் சேர்ந்து மெதுவாக நகரும் இந்த வரிசை இன்னும் கொஞ்சம் நீட்சித்திருக்கலாம் 😍 கொஞ்சமும் புன்னகைக்காமல் சற்று அனாயசமாக புருவம் துருத்தி நீ பார்க்கும் பொழுதுகள் 😍 அவளின் பேரன்பின் பிரியம் நிறைந்த அந்த ஒரு பெரும் புன்னகைப்படம் பிரதியெடுக்கவியலாதொரு மீள்பிம்பம் 😍 இந்த அர்த்தஜாமத்தில் விழிகளில் இதயம் வைத்து நீ அனுப்பும் அந்த ஒற்றை குறுஞ்செய்தி <3 இன்றைய மாலைநேர தேநீர் இடைவேளையில் நீ என்னை கடந்து சென்ற நிமிடங்களை சிருகச் சிருக இப்போது மீட்கிறேன்; பொழியும் பெருமழையினை சொட்டுச் சொட்டாக ஒரே கோப்பையில் மொத்தமாக நிரப்புவதைப் போல <3 குறைந்தபட்சம் ஒரு நாளைக்கு ஒருமுறையேனும் கோவப்படு; புருவங்கள் சுருக்கி கழுத்தை பக்கவாட்டில் திருப்பிக்கொள்கையிலெல்லாம் தேவதையில் இருந்து குழந்தையாய் உருமாறும் மாயங்கள் யாவும் உன் முகத்தில் உனக்கே தெரியாமல் நிகழ்கிறது <3 😍 காத்திருப்பு நாற்காலியில் அமர்ந்தபடி, உனை கடந்து செல்லும் என்னை லேசாக தலை சாய்த்து பா